Hing ang amăng hrơi: 11/5/2021

VOV4.Jarai-Anom bruă ia jrao rŏng lŏn tơnah (WHO) phrâo anai brơi thâo, djuai phrâo mơng virus Sars-Cov2 glăk lar hyu ƀơi dêh čar India, arăng juăt iâu lĕ B.1.617, arăng lăng lĕ djuai virus hŭi rơhyưt amăng rŏng lŏn tơnah, djuai phrâo anai lar hyu tañ biă mă laih dong dưi pơgang glăi djop djuai vaccine.

 Samơ̆, Anom bruă ia jrao rŏng lŏn tơnah lăi pơtong, djop dêh čar kiăng tŏ tui bruă tlâ̆o vaccine. Ƀing rơgơi kơhnâo gah ia jrao hlâo anun ăt brơi thâo, hơdôm djuai vaccine glăk hơmâo ră anai ăt ƀu dưi pơgang djuai virus phrâo B.1.617 samơ̆ bruă tlâ̆o vaccine kiăng kơ plai ƀiă ngă lar hyu klin hăng ngă mơnuih ƀă klin huăi ruă kraih.

Khua anom bruă ia jrao rŏng lŏn tơnah Tedros Adhanom Ghebreyesus brơi thâo, bruă tlâ̆o vaccine aka ƀu bơkơnar amăng rŏng lŏn tơnah amra ngă tơnap amăng bruă pơgang klin.

Siu Đoan: Pơblang

ČRUAI PƠHIĂP DJUAI ɃIĂ VOV4 KUAL DAP KƠDƯ
Anih ngă bruă: 19 A Lê Duẩn, plơi prong Ƀuôn Ma Thuột, tơring čar Dak Lak, Việt Nam
Khua git gai: Vũ Hải  Định
Kơ-iăng Khua git gai: Ngô Quang Khương