Hing ang amăng hrơi: 23/6/2021

 

VOV4.Jarai - Tơdơi rơbêh 1 blan ƀuh klin, truh ră anai, klin ngă pơđeh bơrơbliu ƀơi klĭ rơmô kơbao ƀơi tơring čar Kon Tum ƀă hyu ƀơi lu anih laih. Tar ƀar tơring čar hơmâo 308 boh sang rông rơmô kơbao ƀơi 76 boh plơi, mơng 31 boh să, gah 7 amăng 10 boh tơring glông, plơi prong hăng rơbêh 400 drơi rơmô, kơbao ƀă klin. Ƀơi anăp klin ƀă hyu tui anun, hơmâo 2 boh tơring glông lĕ Ngọc Hồi hăng Đăk Hà lăi pơhmư̆ hơmâo klin, laih dong lăi pơthâo hơdră pơgang klin.

 

Ƀing pơjrao hlô plơi prong Kon Tum pơtô brơi ană plơi rông hăng pơjrao rơmô djơ̆ klin ngă pơđeh bơrơbliu ƀơi klĭ.

 

Kiăng plai ƀiă ngă rơngiă prăk kăk kơ mơnuih rông rơmô kơbao djơ̆ klin pơđeh bơrơbliu ƀơi klĭ, Anom bruă rông hlô hăng pơjrao hlô tơring čar Kon Tum kiăng hơdư̆ ƀiă bruă čuh prai, pơƀut pơjrao, tlâ̆o vaccine pơgang klin. Truh ră anai, tar ƀar tơring čar kơnong hơmâo 10 drơi rơmô đôč ba nao čuh hĭ, rơmô hơmâo pơjrao suaih lĕ 48 drơi hăng rơbêh 370 drơi glăk dŏ pơjrao brơi dong mơn.

Siu H’Mai: Pơblang

 

ČRUAI PƠHIĂP DJUAI ɃIĂ VOV4 KUAL DAP KƠDƯ
Anih ngă bruă: 19 A Lê Duẩn, plơi prong Ƀuôn Ma Thuột, tơring čar Dak Lak, Việt Nam
Khua git gai: Vũ Hải  Định
Kơ-iăng Khua git gai: Ngô Quang Khương