Hing ang amăng hrơi: 23/6/2021

VOV4.Jarai-Tui hăng Jơnum min djop djuai ania mơnuih mơnam ƀôn prong HCM, truh ră anai, hơmâo lu tơring čar, ƀôn prong amăng dêh čar pơčruh prăk hăng gơnam tam djru ƀôn prong HCM bong glăi klin Covid 19. Truh ră anai, ƀôn prong hơmâo tŭ mă 709 klai prăk prăk mơta, amăng anun tơring čar Bến Tre djru 500 klăk prăk, tơring čar Quảng Nam 2 klai prăk.

Hrom hăng prăk mơta, ƀôn prong HCM hơmâo tŭ mă gơnam djru hăng gơnam yua mă bruă rơnoh prăk truh 105 klai prăk kah hăng 10 tơn hơbơi čên tơring čar Vĩnh Long, 20 tơn braih tơring čar Đồng Tháp. Ră anai, ƀôn prong Hồ Chí Minh ngă hrom pơpha prăk, gơnam djru rơbêh 709 klai prăk kơ hơdôm anih guang dar, ngă djơ̆ hơdră pơhlôm klin.

Rơngiao kơ anun, hơmâo 105 boh anom bruă, sang anŏ, mơnuih ƀôn sang čih anăn djru 2 rơbâo 293 klai prăk prăk mơta laih anun Sang bruă jơnum min djop djuai ania mơnuih mơnam ƀôn prong tŭ mă rơbêh 244 klai prăk, amăng anun 1 klai prăk mơ̆ng tơring čar Tây Ninh pioh blơi vaccine Covid 19.

Nay Jek: Pơblang

ČRUAI PƠHIĂP DJUAI ɃIĂ VOV4 KUAL DAP KƠDƯ
Anih ngă bruă: 19 A Lê Duẩn, plơi prong Ƀuôn Ma Thuột, tơring čar Dak Lak, Việt Nam
Khua git gai: Vũ Hải  Định
Kơ-iăng Khua git gai: Ngô Quang Khương