Hing ang amăng hrơi: 30/11/2021

    

VOV4.Jarai - Hmư̆ tui tơlơi jak iâu mơng Khua dêh čar Kur, ơi Hun Sen, Khua dêh čar Lao, ơi Phankham Viphavanh nao čuă dêh čar Kur amăng 2 hrơi (29-30/11/2021). Pơhiăp amăng mông bơkơtuai hăng Khua dêh čar Kur, ơi Hun Sen ƀơi Anom Rơnuk Rơnua (plơi prong jưh jom Phnom Penh), Khua dêh čar Lao, ơi Phankham Viphavanh lăi rơđah, Lao hăng Kur hmâo bôh thâo đưm, phiăn juăt hơhrŭp, tơlơi rô nao rai giăng mah adơi ayong klă hiam hăng rơkâo dua bơnah kơtưn gum hrom hloh dong. Hrom hăng anun, ơi Phankham Viphavanh ăt rơkâo mơn dua bơnah kiăng bơkơtuai pioh kĭ pơkôl bruă gum hrom abih bang, pơtrut Jơnum min wai lăng guai lŏn ia ngă giong hơdôm bruă dưi hmâo ƀing khua mua gưl dlông dua bôh dêh čar ba tơbiă hăng pơtrut gum hrom amăng hơdôm bruă bơwih ƀong, bôh thâo đưm, pơtô pơhrăm. Khua dêh čar Kur dŏng yua abih bang hơdôm tơlơi rơkâo anun kiăng pơtrut tơlơi rô nao rai kơplah wah dua bôh dêh čar mơng Khua dêh čar Lao./.

Siu H’Prăk: Pơblang

ČRUAI PƠHIĂP DJUAI ɃIĂ VOV4 KUAL DAP KƠDƯ
Anih ngă bruă: 19 A Lê Duẩn, plơi prong Ƀuôn Ma Thuột, tơring čar Dak Lak, Việt Nam
Khua git gai: Vũ Hải  Định
Kơ-iăng Khua git gai: Ngô Quang Khương