VOV4.Jarai-Pơdjơ̆ nao kơ bruă Triều Tiên pơnah 3 asar phao amrom apui lơ 25/5, tơdơi kơ Jơnum 4 bơnah dêh čar ngă gŏp Japan, Mi, Australia hăng India pơđut, Khua ding jum ling tơhan dêh čar Japan, ơi Kishi Bobuo jăm ƀuah hăng lăi anai lĕ, bruă ngă čuih pran jua ƀu tŭ ƀơ̆i. Ơi Kishi Nobuo brơi thâo dơ̆ng, phao amrom apui pơnah anun lê̆ trun amăng kual ia rơsĭ bơwih ƀong huă dêh čar Japan.

Ră anai, Japan hlăk hơduah ĕp tơlơi pơhing hăng pơblang tong ten kiăng hơmâo hơdră bong glăi pơ anăp anai. Pô pơ ala mơ̆ng Ding jum pơtom hiăp dêh čar Japan wai lăng gah kual ASIA-Thái Bình Dương hơmâo pơhiăp telephôn mơtam khua wai lăng gah dêh čar Triều Tiên mơ̆ng dêh čar Mi, kiăng lăi pơthâo anŏ kiăng hrom dua bơnah, jăm ƀuah bruă mă pơkra rai phao kơtuang ayuh mơ̆ng dêh čar Triều Tiên, ngă pơčuih mă pran jua kơtang biă mă hăng jar kmar.

Yua kơ anun, ngă hrom kjăp kơplah wah Japan hăng Mi, Japan hăng Hàn Quốc, Japan hăng Mi laih anun Hàn Quốc kiăng anăp nao pơsir ƀu pơkra rai phao kơtuang ayuh ƀơi bul pơtâo Triều Tiên, sa bruă mă yôm biă mă.

Nay Jek: Pơblang