Hing ang amăng hrơi: 24/5/2022

VOV4.Jarai - Čơtlăm lơ 23/5, Grŭp hyu mă bruă mrô 6 yua kơ Đại tướng Lương Cường, Ding kơna Ding jum kơđi čar, Khua Anom bruă kơđi čar Khul ling tơhan dêh čar Việt Nam, Ding kơna Grŭp črâo ba bruă pơgang, pơgăn hưp ƀong kông ngăn, tơlơi ƀu klă ngă Khua Grŭp hmâo mông mă bruă hăng Grŭp mă bruă Ping gah Ding jum jơlan nao rai dŭ pơgiăng. Đại tướng Lương Cường rơkâo, ƀing ding kơna Grŭp hyu mă bruă hăng Grŭp mă bruă Ping gah Ding jum jơlan nao rai dŭ pơgiăng kiăo tui tơlơi rơkâo, hơdôm bôh yôm pel ĕp ƀơi Kơčăo bruă 18 mơng Grŭp črâo ba bruă pơgang pơgăn hưp ƀong kông ngăn, tơlơi ƀu klă dêh čar ta; biă ñu lĕ bruă lăng tui, pơsit rơwang mơng thun 2011 truh ră anai ƀơi Ding jum jơlan nao rai dŭ pơgiăng. Biă ñu, khom črâo tơbiă hơdôm tơlơi tơnap, tơlơi gun amăng bruă lăng tui, pơsit, rơkâo đĭ kiăng Grŭp hyu mă bruă ruah mă, ba tơbiă jơlan gah pơtlaih hrom amăng đơ đam dêh čar pơ̆ anăp anai./.

Siu H’ Prăk: Pơblang

ČRUAI PƠHIĂP DJUAI ɃIĂ VOV4 KUAL DAP KƠDƯ
Anih ngă bruă: 19 A Lê Duẩn, plơi prong Ƀuôn Ma Thuột, tơring čar Dak Lak, Việt Nam
Khua git gai: Vũ Hải  Định
Kơ-iăng Khua git gai: Ngô Quang Khương