VOV4.Xơ Đăng - Tiô Khu xiâm ngăn ‘na bro hnoăng mơhá Dak Lak, mơhé tơdjâk dêi pơreăng COVID-19 la ing apoăng hơnăm troh nôkố tơdroăng xo hnoăng mơhá dêi mâu khu tơrŭm cheăng, khu mơdró hiăng luâ pơkâ. Ing mê, a Dak Lak ing apoăng hơnăm 2022 troh nôkố kơxô̆ liăn xo ing nâp hnoăng mơhá lối 2 rơpâu 849 rơtal liăn châ vâ chê 62% tiô tơdroăng tối hdrối dêi Tíu xiâm pơcháu, tơ-‘mô ƀă 122% tâng vâ pơchông ƀă hơnăm 2021.

Dak Lak: 6 khế xo hnoăng mơhá châ 62% dêi hơnăm

Tung mê, mâu kơxô̆ liăn pro hnoăng mơhá hên ing mâu khu mơdró pa gong tê mơdró tâk lối 20%; pro hnoăng mơhá tơná krê xêh lối 86%; kơxô̆ liăn nâp hdrối pơkâ 42%; Liăn nâp ƀă liăn nâp 6,5%; xo liăn mâ râ kơpêng tí tăng chiâ xo tơmeăm khoăng tung kơdâm tơnêi 8,4%; xo liăn bro hnoăng mơhá tơnêi vâ chê 15%.

Pôa Bùi văn Chuẩn, Ngế xiâm ngăn ‘na bro hnoăng mơhá kong pơlê Dak Lak ăm ‘nâi: Xo liăn ngân nâp ăm hngêi rak liăn tâk xua tơdroăng cheăng kâ rế vâ mơnhông klêi kơ’nâi pơreăng kân COVID-19. Tơdrêng amê, kơvâ ngăn ‘na bro hnoăng mơhá hiăng mơdêk tơdroăng cheăng séa ngăn ‘na mơdât pro lŭp xo hnoăng mơhá.

Gương tơplôu ƀă tơbleăng