VOV4.M'nông: Ngoại trưởng Mỹ Antony Blinken nar 21/01 hŏ mâp nuĭh ndrel gưl kan Nga Sergei Lavrov ta Geneva (Thụy Sĩ) gay tâm nchră mpeh ăp nkô̆ nău rnă njrăng, tâm nê geh nkô̆ nău Ukraine. Ngoại trưởng bar dak tâm ban ŭch mbra tâm nchră mpeh nkô̆ nău dja. Lah ta rơh hop báo lôch rơh mâp, Ngoại trưởng Blinken an gĭt păng tât Geneva lôch âk rơh tâm nchră đah ăp kruanh tâm boh gưl têh Mỹ- Nga tâm pơh bah năp nơh tâm rnôk tâm dâl nău đăp mpăn têh jong, rơh hop Hội đồng NATO-Nga, n'hanh rơh họp Hội đồng rnâng kan Nhih pah kan rnă njrăng n'hanh Tâm boh châu Âu mpeh duh jêr ta Ukraine n'hanh ăp nkô̆ nău rnă njrăng hvi lơn bah châu Âu. Tĭng wa Blinken, mpeh Mỹ hŏ ndơ̆  luh du đêt nău dăn đă n'hao dăng mât rnă njrăng n'hanh ăp nkô̆ nău ma bar ding mbra dơi joi saơ nău mĭn nsum./.

Nuĭh rblang: Điểu Thân