Pơk uănh mông nar djăt: 25/9/2021

 

VOV4.M'nông: Nar 24/9, du hê săk bu klô khĭt dơi saơ dak rdu ta dak me Pô Kô gâl hoch rlău xã Tân Cảnh, nkuâl Đăk Tô, n'gor Kon Tum. Săk bu klô khĭt dak rdu ta dak me Pô Kô, gâl mpeh bah dâng thủy điện Đăk Pô Kô, mpeh xã Tân Cảnh, nkuâl Đăk Tô dơi rmôt công nhân Nhih máy cồn n'hanh Rnih bum blang Đăk Tô gŭ kâp ta trạm bơm saơ rnôk 7 mông ôi 24/9.

Nău lư bôk năp bah nuĭh ƀon lan xã Tân Cảnh, nkuâl Đăk Tô an gĭt nuĭh khĭt lah nô B.V.T, 46 năm deh, gŭ ta Khối 2, thị trấn Đăk Tô. Păng aơ ntlơi jay hăn ntơm bah nar 11/9/2021 n'hanh nuĭh ƀon lan hŏ nchih mbơh nău lư joi nuĭh ta mạng xã hội. Lôch tăng nău lư mbơh, Công an nkuâl Đăk Tô hŏ đă mpôl rnâng kan hăn tât ntŭk hăn ôp uănh rnăk wâl nuĭh geh khĭt n'hanh ôp uănh nkô̆ nău khĭt./.

Nuĭh rblang: Điểu Thân

NTU\K RGUM BÔK NTUH NĂU NGƠI RNOI MPÔL ĐÊ| VOV4 NKUAL TÂY NGUYÊN
Mbrô: 19A trong Lê Duẩn, Nkual [on têh Buôn Ma Thuột, n'gor Dak Lak
Giám đốc : Vũ Hải Định

Phó Giám đốc: Ngô Quang Khương