Pơk uănh mông nar djăt: 24/5/2022

 

VOV4.M'nông: Ôi 23/5, Thủ tướng mhe Australia Anthony Albanese hŏ ton dơn nău kan jêng Thủ tướng tâl 31 bah dak dja. Yor Thủ tướng Australia ân hăn tât Nhật Bản râng tâm nchră gưl têh Nkôp puăn tâm ôi dĭl, jêng rlău ma Thủ tướng Anthony Albanese, dơn geh Groi Thủ tướng Richard Marles, Ngoại trưởng Penny Wong n'hanh Bộ trưởng Tài chính Katy Gallagher, Bộ trưởng Ngân khố Jim Chalmers ton dơn nău kan dơm. Ăp nuĭh hôm ƀa ƀă bah chính phủ mhe bah Australia mbra ton dơn nău kan tâm pơh bah kơi tay. Lôch ton dơn nău kan, Thủ tướng mhe Anthony Albanese hŏ geh rơh hop báo lor bôk năp ta nău kan Thủ tướng lor rnôk hăn tât Nhật Bản. Ta rơh hop báo, wa Anthony Albanese hŏ mpơl du đêt trong kan bah chính phủ mhe ta Australia tâm nê geh du đêt nkô̆ nău kơt prăk njuăl kon se, mât chăm bu ranh, nuĭh ƀon tơm n'hanh njêng ủy ban rdâng lơh sa khâm./.

Nuĭh rblang: Điểu Thân

NTU\K RGUM BÔK NTUH NĂU NGƠI RNOI MPÔL ĐÊ| VOV4 NKUAL TÂY NGUYÊN
Mbrô: 19A trong Lê Duẩn, Nkual [on têh Buôn Ma Thuột, n'gor Dak Lak
Giám đốc : Vũ Hải Định

Phó Giám đốc: Ngô Quang Khương