Pơk uănh mông nar djăt: 24/5/2022

VOV4.M’nông: Kruanh n’gâng kan nchră nau Mỹ Antony Blinken mhe geh rơh tâm mâp đah Kruanh n’gâng kan Nhật Bản Ha-ya-shi Yo-shi-ma-sa ta Thủ đô To-ki-ô. Kruanh n’gâng kan bah bar dak hŏ kuăl rmôt tâm boh Mỹ-Nhật lah nau dơi ân ntrong đăp mpăn, nâp nâl tâm nkuăl Ấn Độ Dương-Thái Bình Dương. Lĕ bar ding ndrel ndâk ân rơh mpăr nsôih kơl an nau ƀư tơm ndrel ăp ding bah nkuăl neh bah Ukriane ndrel nau ton ân nchâp đă Nga ndơn nau mpeh nau tâm lơh ta Ukriane. Mỹ ndrel Nhật Bản nchră mra ƀư rơh rƀŭn Uỷ ban mbơh nchră nau kan văng sa đah bar dak tâm yan mih aơ. Kruanh n’gâng kan Mỹ ndrel Nhật Bản ntoh nau duih lah nau rlong ndrak nsiu bah Triều Tiên ndrel uănh nê lah nau tih mpeh âk nau ntrŭnh bah Hội đồng bảo an. Bar Kruanh n’gâng kan kŏ tâm chră nau uănh kơl nsum mât nau đăp mpăn ndrel nâp nâl tâm yơn dak lêng Đài Loan./.

Nŭih rblang: H’Thi

NTU\K RGUM BÔK NTUH NĂU NGƠI RNOI MPÔL ĐÊ| VOV4 NKUAL TÂY NGUYÊN
Mbrô: 19A trong Lê Duẩn, Nkual [on têh Buôn Ma Thuột, n'gor Dak Lak
Giám đốc : Vũ Hải Định

Phó Giám đốc: Ngô Quang Khương