Pơk uănh mông nar djăt: 24/7/2021

VOV4.M’nông: Jêh rnôk nkuăl ƀon têh Gia Nghĩa kơp dơn geh nŭih ntưp srê Covid-19 tâm ƀon lan, măng 22/7, wa Hồ Văn Mười Kruanh UBND n’gor Dak Nông hŏ ký nau ntrŭnh mpeh nau nchâp dŏng du đê̆ nau kan ndal tâm nau njrăng, rdâng srê Covid-19 tâm nkuăl. Tĭng nê, n’gor Dak Nông ntrŭnh nau nchueng rdâng nkuăl ƀon têh Gia Nghĩa ntơm 12h00 lơ 23/7 ndrel nchâp ƀư rjăp nau ntrŭnh mrô 16 bah Thủ tướng Chính Phủ.

Tâm măng 22/7 ăp ntŭk kan, rmôt kan gŭ kan tâm nkuăl ƀon têh Gia Nghĩa ân geh đă cán bộ, nŭih kan, nŭih pah kan tâm ntŭk kan gay ma ƀư xét nghiệm uănh năl SARS-Cov2 đah nau uănh năl ngăch. Tât ôi lơ 23/7, n’gor Dak Nông geh tay 8 nŭih ntưp srê Covid-19, tâm nê 6 nŭih tâm nkuăl ƀon têh Gia Nghĩa ndrel 2 nŭih tâm ntŭk nkhah rgum dak si tâm nkuăl Dak Rlâp. 6 nŭih geh ntưp srê Covid019 tâm Gia Nghĩa lah F1 bah nŭih ji bu ur 72.764 (geh sai, kon bu ur, măn, sau ndrel 2 nŭih tâm ngih) hŏ geh nkhah dak si tâm ntŭk nkhah rgum bah nkuăl ƀon têh ntơm lơ 22/7. Tât rnôk aơ, n’gor Dak Nông hŏ kơp dơn geh 27 nŭih ntưp srê Covid-19./.

Nŭih rblang: H’Thi

NTU\K RGUM BÔK NTUH NĂU NGƠI RNOI MPÔL ĐÊ| VOV4 NKUAL TÂY NGUYÊN
Mbrô: 19A trong Lê Duẩn, Nkual [on têh Buôn Ma Thuột, n'gor Dak Lak
Giám đốc : Vũ Hải Định

Phó Giám đốc: Ngô Quang Khương