Ngai lơi kung tam gơl mờ bơsir pa: 16/6/2021

VOV4.K’ho- Ủy ban Nhân dân càr Dăk Nông pa geh sră nggal sồr tơrgùm lơh jăt kràñ cê jơh nùs mờ dùl ròt bal ală broă lơh rơcăng sơndră kòp jê ndul gơjroh sur châu Phi tàm ù tiah càr dê, ngan là tàm kơnhoàl Tuy Đức.

Jăt mờ hơ̆, kòp jê ndul gơjroh sur châu Phi pa gơbàn tàm dùl hìu bơnhă ròng sur tàm kơnhoàl Tuy Đức, lơh 2 nơm sur gơtìp bơtờp kòp mờ pal chu pơrgŭc mờ tơ̆p. Tềng đăp bơta geh ngan do, Ủy ban Nhân dân càr sồr Sở Nông nghiệp mờ Phát triển Nông thôn, ală kơnhoàl, ƀòn dờng mờ anih lơh broă geh gơrềng lam lơh jăt niam ală sră nggal lài do bơh càr dê bè broă lơh rơcăng sơndră kòp jê ndul gơjroh sur châu Phi, ngan là bañ lời kòp bơtờp do lơh bơtờp tus uă tiah. Ủy ban Nhân dân kơnhoàl Tuy Đức mhar kơryan kòp, mhar ƀồm sơnơm, lơh sàng gòh ù tiah gơbàn kòp. Kơnhoàl Tuy Đức mờ gah lơh broă geh gơnoar jòi jơnau bơh tài lơh gơbàn kòp jê ndul gơjroh sur châu Phi, kơryan di tŭ, bañ lời kòp lơh bơtờp.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định