Ngai lơi kung tam gơl mờ bơsir pa: 29/7/2021

VOV4.K’ho- Ngai 28/7, ồng Vũ Đức Đam- Phó Thủ tướng Chính phủ neh lòt sền broă lơh rcang sơndră kòp Covid-19 tàm càr Long An. Phó Thủ tướng mờ mpồl lơh broă neh tus lòt sền, còp mờ pơn dờm pơn điang nùs nhơm bơh mpồl Kuang bàng, cau lơh sơnơm gam lơh broă tàm Hìu sơnơm ing sồ 2- kơnhoàl Tân Trụ, Hìu sơnơm ing tàm Hìu bơsram Chính trị Long An mờ bàr pe hìu sơnơm tàm ù tiah càr Long An dê.

Phó Thủ tướng ồng Vũ Đức Đam lam lơh broă lơh rcang sơndră kòp Covid-19 tàm Long An

Jat jơnau yal, càr Long An geh 16 anih lơh kơnòl broă ai ơm yah ngài, sơm kòp ai ală cau F0 in mờ kờp jơh geh 5 rơbô 70 nơm jơnờng. Nàng sơr băc mhar gròi sền, kơryan bơta kòp bơtờp tàm tơngai gờñ ngan rlau jơh, kờp bơh ngai 27/7, Long An sồr làng bol ờ hoan lik lòt tàm gùng uă ngan rlau jơh. Tàm tơngai tus, Long An pơn jat tai lơh jat niam, jơh nùs lơh ngan, tơl làm ală broă lơh lơh jat Chỉ thị sồ 16 bơh Thủ tướng Chính phủ dê.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định