Ngai lơi kung tam gơl mờ bơsir pa: 12/6/2021

VOV4.K’ho- Mho òr (11/6), tàm hìu lơh broă Chính phủ, đơng lam dơ̆ pơrjum pờ tơlĭk tàm internet bơh Thường trực Mpồl đơng lam dà lơgar sơndră mờ kòp Covid-19 mờ ờ uă càr, ƀòn dờng geh ală tiah lơh sa mờ măi mŏk, tam pà broă mờng chài tàm broă sơndră mờ kòp tàm ală hìu măi, hìu lơh broă dờng, Phó Thủ tướng ồng Vũ Đức Đam, kuang atbồ mpồl đơng lam sồr, ală càr, ƀòn dờng lơh ngan bañ lời kòp gơtờp; di lah geh cau gơtờp kòp Covid-19 tàm tiah lơh sa mờ măi mŏk den pal gŏ gờñ tàm 3 ngai sơnrờp.

Ồng Vũ Đức Đam- Phó Thủ tướng Chính phủ đơs tàm dơ̆ pơrjum

Tàm pơrjum, kuang đơng lam ală tiah: Bắc Giang, Bắc Ninh, Hà Nội, Bình Dương, Long An, Tây Ninh, Bà Rịa- Vũng Tàu mờ ƀòn dờng Hồ Chí Minh ndrờm tơlĭk nùs nhơm ờ sŭk bè broă gơtờp bơh kòp Covid-19 tus tàm ală hìu măi, hìu lơh broă dờng tàm ală tiah lơh sa mờ măi mŏk. Tềng đăp mờ bơta mùl màl bơh  gơtờp dơ̆ 4 geh yal lài, geh pơn jăt tai dờp tai ală cau gơtìp kòp pa tài geh uă cau neh gơtìp gơtờp bơh lài, Thường trực Mpồl đơng lam dà lơgar sồr ală càr, ƀòn dờng bañ sền ờ sơ̆p, ờ sền gròi nền nòn, pal sùm sền gròi broă lơh jăt ală broă sơndră mờ kòp gơtờp, pal ngui broă lơh 5K, tàm hơ̆ uă ngan là pơn chèo tŭ lĭk bơdìh hìu, tơmù tơrgùm gal cau.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định