Ngai lơi kung tam gơl mờ bơsir pa: 13/5/2021

VOV4.K’ho- Mho ngai 12/5, Mpồl kuang bàng sền sơwì, lòt sền broă lơh tĕ khà bơh Ủy ban Thường vụ Quốc hội, Mpồl duh broă tĕ khà dà lơgar bơh Phó Chủ tịch lơgar mò Võ Thị Ánh Xuân lơh kuang atbồ mpồl neh lòt sền bơta geh ngan broă rơcang lơh tĕ khà 2, 3 tiah tàm ƀòn dờng Gia Nghĩa, càr Dak Nông. Tŭ do, ƀòn dờng Gia Nghĩa neh crơng gơs 59 anih đùh sră, mờ 8 rbô 560 nă cau tĕ khà geh lòt tĕ khà. Ƀòn dờng neh geh broă rơndap lơh ngan ngồn sền gàr lơngap lơngai ờdo ờdă mpồl bơtiàn, rơcang sơndră kòp bơtờp,.. lài mờ tŭ, tàm tŭ mờ tơnơ̆ tŭ tĕ khà.

Bơh lòt sền, sền sơwì, Phó Chủ tịch lơgar mò Võ Thị Ánh Xuân đơs niam ală broă lơh ngan bơh ƀòn dờng Gia Nghĩa dê tàm broă lam lơh di tŭ, di tơngai geh sồr ală broă rơcang tus tĕ khà. Mờ kung kơp kờñ ală tiah pal lam lơh niam broă rơcang sơndră kòp Covid-19 gàr ờdo ờdă ai cau tĕ khà mờ làng bol in, nàng ngai tĕ khà ngan ngồn là ngai chờ bơh jơh gùt làng bol dê.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định