Ngai lơi kung tam gơl mờ bơsir pa: 15/5/2021

VOV4.K’ho- Drim ngai 14/5, Mpồl kuang bàng sền gròi bơh Mpồl duh broă tĕ khà lơgar dê bơh Ủy viên Đảng dà lơgar, Phó Chủ tịch lơgar, Phó Chủ tịch Mpồl duh broă tĕ khà dà lơgar mò Võ Thị Ánh Xuân lam bồ neh geh dơ̆ lòt sền, sền sơwì broă lơh tĕ khà tàm Lâm Đồng. Tus tŭ do, broă rơcang tus dơ̆ tĕ khà tàm Lâm Đồng geh lam lơh di broă rơndap tap sèng mờ tŭ tơngai geh sồr.

Đơs tàm dơ̆ lơh broă, Phó Chủ tịch lơgar mò Võ Thị Ánh Xuân đơs niam broă lơh rơcang tus dơ̆ tĕ khà bè tơl gah bơh càr Lâm Đồng dê; mờ kung tơngkah, Lâm Đồng pơn jat tai tơnguh broă lơh mblàng yal tĕ khà bè bơta niam, ngan là tàm tiah sar lơgar ngài, tiah làng bol jơi bơtiàn kòn cau dùl êt nă cau, tam pà kơnòl ală kuang geh jơng Mpồl đơng lam Ủy ban tĕ khà sơn đờm lòt tus tàm ală tiah bơh tŭ do nàng di tŭ bơsong ală broă gơlik geh dilah geh, gàr broă rơcang lài wil tơl ală rơndap broă ai ngai tĕ khà geh lơh ờdo ờdă mờ di broă rơndap lơh ai tơlik.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định