Ngai lơi kung tam gơl mờ bơsir pa: 20/4/2021

VOV4.K’ho- Ngai 19/04, Ủy ban bè ală broă Mpồl bơtiàn bơh Quốc hội dê pơgồp bal mờ Mpồl cau ùr Kuang bàng Quốc hội Việt Nam, Mpồl lơh broă Kuang bàng gơwèt Ủy ban Thường vụ Quốc hội bơyai lơh Pơrjum tiah đah tô dà lơgar “cau ùr tơlik mat tĕ khà Kuang bàng Quốc hội, Kuang bàng Hội đồng Nhân dân mờ broă tơnguh ring bal ùr klau”.

Jat jơnau yal, khà cau ùr Kuang bàng Quốc hội khoá 14 mờ khà cau ùr Kuang bàng Hội đồng Nhân dân tơngai lơh broă bơh nam 2016-2021 tàm jơh bal 3 kấp ndờm uă rlau mờ khoá lài mơya kung gam ờ hềt tơl mờ broă jàu bè jơnau kờñ. Jat jơnau sồr, khà cau ùr tơlik mat tĕ khà Kuang bàng Quốc hội mờ Kuang bàng Hội đồng Nhân dân pal gàr tơl ết ngan rlau jơh  là bơh 35%. Nàng lơh geh khà cau ùr Kuang bàng uă rlau mờ tơngai lơh broă lài do mờ kuơ màng, lơh geh jơnau kờñ là bơta lòng dờng ngan sồr pal geh ală gùng dà broă lơh pràn, dơ̆ lĕ bal, geh cồng nha, nùs nhơm chính trị uă. Bơta kuơ màng là bơta lơh ngan, pơdơl pràn bơh ală cau ùr tơlik mat tĕ khà Kuang bàng Quốc hội mờ Kuang bàng Hội đồng Nhân dân dê tơn.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định