Ngai lơi kung tam gơl mờ bơsir pa: 19/4/2021

VOV4.K’ho- Ồng Trương Hoà Bình Phó Thủ tướng Chính phủ, Phó Kuang ătbồ Mpồl duh broă tĕ khà dà lơgar dê pa lòt sền bè broă lơh tĕ khà kuang bàng Quốc hội khoá XV mờ Hội đồng Nhân dân ală kấp tơngai lơh broă bơh nam 2021- 2026 tàm ù tiah càr Đồng Tháp dê.

Ồng Trương Hoà Bình Phó Thủ tướng Chính phủ mơkung là Phó Kuang ătbồ Mpồl duh broă tĕ khà dà lơgar dê đơs tàm dơ̆ lơh broă

Đơs tàm dơ̆ lơh broă, ồng Trương Hoà Bình jờng rơ ngan broă lơh rơcăng tĕ khà bơh càr Đồng Tháp dê neh tơrgùm đơng lam, sồr lơh mờ lam lơh ală broă lơh niam ngan, dùl ròt bal, lơh jăt di tơngai sồr mờ jơnau sồr neh ai tơlik. Neh lơh jăt di broă rơndăp lơh, di rơndăp tăp sèng jăt Adat Tĕ khà, Kơrnoat mờ ală sră nggal bơto pơlam bơh Mpồl duh broă tĕ khà dà lơgar dê.

Ồng Trương Hoà Bình Phó Thủ tướng Chính phủ đơs sùm, tơngai bơh tŭ do tus ngai tĕ khà ờ gam uă tai, den tàng bè hơ̆, càr Đồng Tháp pơn jăt tai lơh pràn broă lơh mblàng yal, sền ngai tĕ khà là ngai chờ bơh jơh gùt làng bol dê, sền dờng màng mblàng yal, hòi jà tàm kấp hơđơm, tus tơl hìu bơnhă, làng bol bè bơta gơtha mờ bơta kuơmàng bơh dơ̆ tĕ khà dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định