Ngai lơi kung tam gơl mờ bơsir pa: 13/5/2021

VOV4.K’ho- Mho ngai 12/5, ồng Phạm Minh Chính Thủ tướng Chính phủ neh cribơyai tàm điện thoại mờ Thủ tướng Thái Lan ồng Prayut Chan-o-cha. Ồng Phạm Minh Chính Thủ tướng Chính phủ đơs nền tŭ lơi kung kờñ lơh broă bal niam mờ Thủ tướng lơgar Thái Lan ồng Prayut Chan-o-cha nàng ai bơta gĭt gơ̆p “Lơh broă bal jŏ jòng sơlơ tơnguh đah Việt Nam mờ Thái Lan” ngai sơlơ jrô ơnàng, geh cồng nha mờ ngan ngồn, cribơyai ngan ngồn bè ală broă lơh tơnguh lơh broă bal bàr gah đah 2 lơgar dê, bàr Thủ tướng sồr ală anih lơh broă geh gơrềng pơgồp bal bơyai lơh niam ală broă lơh tơngkah kir sơnrai 45 nam crơng gơs bơta gĭt gơ̆p lơh broă bal Việt Nam mờ Thái Lan tàm nam 2021, gàr niam bơta geh ngan, pleh broă lơh đah bơdìh gời; gàr niam mờ lơh jat geh cồng nha ală broă lơh lơh broă bal 2 lơgar dê.

Ồng Phạm Minh Chính Thủ tướng Chính phủ cribơyai tàm điện thoại mờ Thủ tướng Thái Lan

Bè lơh broă bal tàm tiah do mờ tàm dunia, bàr Thủ tướng ring bal tơnguh lơh broă bal niam mờ dong kờl bal mờ gơ̆p tàm ală broă lơh uă lơgar bè Liên Hợp Quốc, ASEAN, APEC, lơh pràn tàm tơrbŏ bal gùng lòt, kung bè sơlơ bơtàu tơnguh kơ̆ kơl jap tàm tiah dềt dà dờng Mekong.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định