Ngai lơi kung tam gơl mờ bơsir pa: 24/6/2021

VOV4.K’ho- Ngai òr (23/06), Ngoại trưởng lơgar Mỹ ồng Antony Blinken tus càr lơgar Berlin, lơgar Đức, sơn đờm ai dơ̆ tus còp 3 lơgar châu Âu là Đức, Tây, Italia. Bơta kuơ màng bơh dơ̆ tus còp geh bơyai lơh mìng 2 poh tơnơ̆ mờ dơ̆ tus còp lơgar bơdìh sơnrờp ngan bơh Kuang atbồ lơgar Mỹ ồng Joe Biden dê geh sền là nàng tơnguh, bơ̆t bơtàu broă lơh gĭt gơ̆p mờ ală lơgar lơh broă bal đềt mềr tàm châu Âu.

Tơnơ̆ mờ tŭ tìp mờ Thủ tướng lơgar Đức mò Angela Merkel mờ Ngoại trưởng lơgar Đức ồng Heiko Maas, ồng Antony Blinken kung geh tus pơrjum Berlin dơ̆ bàr bè lơgar Libya. Tơnơ̆ mờ hơ̆, Bộ trưởng Ngoại giao lơgar Mỹ geh tus càr lơgar Paris, lơgar Tây nàng tìp mờ Kuang atbồ lơgar Tây ồng Emmanuel Macron cri bơyai bè broă lơh ngan tam lơh jai pha mờ mpồl Dà lơgar jăt Yàng Islam tơnpồ is (IS). Tơn jơh dơ̆ tus còp, ồng Antony Blinken geh tus ƀòn dờng Matera, lơgar Italia nàng tus bal pơrjum dờng bơh ală Ngoại trưởng mpồl G20.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định