Ngai lơi kung tam gơl mờ bơsir pa: 22/6/2021

VOV4.K’ho- Jăt Bộ Ngoại giao lơgar Hàn Quốc dê yal, Ngoại trưởng lơgar do là ồng Chung Eui-yong geh dơ̆ lòt còp lơgar ndai bơh ngai 21- 25/6/2021 tus pe lơgar, là Việt Nam, Singapore mờ Indonesia, ală lơgar lơh broă bal kuơmàng tàm broă lơh tiah đah jum pa.

Do là broă lơh lơh broă mờ lơgar ndai tơn bơh sơnrờp mờ ală lơgar tàm mpồl tam klăc ală lơgar tàm tiah đah jum măt tơngai lik châu Á (ASEAN) kờp bơh tŭ ồng Chung Eui-yong guh ăt gơnoar broă Ngoại trưởng Hàn Quốc tàm nhai 2 pa do. Digơlan, Ngoại trưởng Hàn Quốc geh tìp măt cribơyai broă 2 gah mờ Ngoại trưởng pe lơgar mờ ồng tus còp mờ tìp măt tơm bơh bơr mờ kuang đơng lam bồ pe lơgar do dê. Bộ Ngoại giao lơgar Hàn Quốc pà gĭt, bơh dơ̆ lòt còp do, Ngoại trưởng Hàn Quốc dê digơlan geh cribơyai jrô ơnàng làm uă mờ pe lơgar tàm mpồl ASEAN bè gùng dà broă lơh sơlơ tơnguh tai lơh broă bal tàm ală gah broă, bè lơh sơnơm, rơcăng sơndră kòp, bơtàu tơnguh wơl lơh sa mờ ală broă duh hồl tàm tiah do.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định