Ngai lơi kung tam gơl mờ bơsir pa: 28/7/2021

VOV4.K’ho- Tổng thư ký NATO ồng Jens Stoltenberg ngai 27/7 pà git, mpồl do geh pơn jat tai dong kờl lơgar Afghanistan tơnơ̆ tŭ ală mpồl ling dunia ruc ling bơh lơgar do. Tàm pang Twitter, ồng Jens Stoltenberg pà git, ồng neh bơh bơr mờ Kuang atbồ lơgar Afghanistan ồng Ashraf Ghani. Jơh bal 2 gah đơs nền, broă gơlik geh tàm lơgar Afghanistan kung gam uă bơta lòng tŭ mpồl Taliban sùm lơh gơbàn bơta rồn bơklơn tus gơ noar atbồ tàm càr lơgar Kabul. Ồng Jens Stoltenberg đơs nền, NATO geh pơn jat tai dong kờl Afghanistan, geh bal mờ dong kờl, bơta geh mat tàm broă làng bol mờ bơto bơtê.

Tơngai lài, mpồl Taliban neh tơnguh ală dơ̆ sò tơm mờ sơgràm ai geh ală kơnhòal ƀòn lơgar mờ ală ƀòn dờng bơh ală càr rềp bal dê tơnơ̆ tŭ Kuang atbồ lơgar Mỹ ồng Joe Biden yal bơr tàm nhai 4 đơs là, Mỹ geh ruc jơh ling bơh lơgar do tàm nhai 9 tus do, ngan ngồn tơn jơh mờr 20 nam geh mat ling klàng tàm lơgar Afghanistan.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định