Ngai lơi kung tam gơl mờ bơsir pa: 17/1/2015

VOV4.K’ho -  Drim òr 16/01, tàm Hà Nội, Mpồl đơng lam tiah đah tô măt tơngai mu\t dà lơgar bơyai lơh pơrjum tơn jơh broă lơh nam 2014, mu\t lơh kơ nòl broă kuơ màng nam 2015. Ồng Nguyễn Xuân Phúc kuang jăt jơng gơs gơnăp gơnoar atbồ hờđang rlao jơh dà lơgar mơkung la kuang atbồ Mpồl đơng lam Tiah đah tô măt tơngai mu\t dà lơgar đơng lam dơ\ pơrjum. Nam 2014, tiah đah tô măt tơngai mu\t dà lơgar pơn jăt tai bơtàu tơnguh kơ\ kơl jăp. Tă dia dà lơgar tàm tiah do geh rlau 25 rbô 900 tơmàn, gơguh 30% pơndrờm mờ nam 2013. Broă lơh bơto broă lơh mờ lơh geh broă lơh pa ai cau lơh broă in geh uă cồng nha niam, khà hìu rbah gùt tiah do gam 17%, broă lơh bơtàu tơnguh Đảng geh mu\t lơh niam, tàm nam neh tơn jơh geh 1264 bòn ờ hềt geh mpồl đảng mờ 9 bòn ờ hềt geh cau mu\t Đảng. Tàm dơ\ pơrjum, ala mat ală Gah sơnah lơh broă dà lơgar mờ ală càr tàm tiah do neh tă pơ gồp uă jơnau đơs kờn bơ\t bơtàu tiah đah tô măt tơngai mu\t dà lơgar bơtàu tơnguh mhar mờ kơ\ kơl jăp. Ồng Nguyễn Xuân Phúc sồr ală kuang bàng tơr gùm cribơyai ală jơnau gam gơ kòl ờ hềt pràn jak tàm broă lơh bơh Mpồl đơng lam dê mờ dan geh gùng dà broă lơh nàng bơsong mờ mu\t lơh kràn cê jơh nùs, mờ geh cồng nha tàm broă mu\t lơh kơ nòl broă nam 2015.

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định