Ngai lơi kung tam gơl mờ bơsir pa: 17/6/2021

VOV4.K’ho- Tềng đap bơta gơlik geh bơh kòp dờng Covid-19, càr Lâm Đồng pơn jat tai gàr niam broă lơh 15 anih kơryan kòp tàm ù tiah càr dê. Bơh hơ̆, sền gŏ uă ngan cau pin bơtờp kòp Covid-19 mờ ai ơm yah ngài jat jơnau sồr. Rlau nggùl nhai do, anih drơng rcang sơndră kòp Covid-19 tàm kơnhoàl Dà Oai, càr Lâm Đồng, gơwèt gùng dờng 20 tàm tơrƀŏ bal Dà Làc mờ ƀòn dờng Hồ Chí Minh sùm lơh broă jơh ngai mờ mang. Tài bơh do là gơl gùng dờng tờm tàm tơrƀŏ bal ală càr tiah đah jum dà lơgar mờ Lâm Đồng den ală rơndeh rơndồ mờ ală cau lòt rê tàm tiah do uă ngan, den tàng mpồl lơh broă ală tiah pal ai rlau 30 nă cau, tàm pà gơs 4 dơ̆ lơh broă den hơ̆ sồng gàr niam broă lơh sền gròi rcang sơndră kòp.

Lâm Đồng neh sền gŏ di tŭ 48 nă cau F1 tàm ală anih sền gròi rcang sơndră kòp Covid-19

Tŭ do kờp bal pah ngai, Lâm Đồng geh rlau 6 rơbô 500 dơ̆ rơndeh rơndồ lòt rê, mờ pơgap 14 rơbô dơ̆ cau lòt rê tàm ală anih sền gròi rcang sơndră kòp Covid-19. Jơh ală bơta ndrờm gàr niam broă lơh jat broă lơh sền gròi, was să jan mờ yal tiah lòt rê. Bơh hơ̆ di tŭ sền gŏ geh 48 nă cau F1 mờ lơh ală sră nggal ai ơm yah ngài tơrgùm bal jat jơnau sồr.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định