Ngai lơi kung tam gơl mờ bơsir pa: 15/5/2021

VOV4.K’ho- Ngai 14/5, Ủy ban Nhân dân càr Lâm Đồng tơlik sră nggal pơn jat tai sơlơ lam lơh 2, 3 broă lơh rơcang sơndră kòp Covid-19. Jat hơ̆, sồr ơm ing tai 2, 3 broă lơh bè: Ală môn tàp pràn să jan (coh plai, nhơl bơlai, re dà, golf mờ ală câu lạc bộ tàp pràn să jan); ơm ală broă lơh nhơl ñŏ, lơh gơ prài bồ tơngoh tơrgùm tàm ală ƀlàng dờng, kềng gah tơnau dà, công viên bơh 12 jơ ngai 14/5 tus tŭ geh jơnau yal pa. Ủy ban Nhân dân càr Lâm Đồng sồr ală sở, mpồl, gah broă lơh, mpồl cau mờ Ủy ban Nhân dân ală kơnhoàl, ƀòn dờng pơn jat tai lơh jat jơnau đơng lam bơh dà lơgar, Thường trực Tỉnh ủy mờ Ủy ban Nhân dân càr dê bè ală broă lơh rơcang sơndră kòp Covid-19.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định