Ngai lơi kung tam gơl mờ bơsir pa: 28/7/2021

VOV4.K’ho- Ngai 27/7, càr Kon Tum sền gŏ tai 2 nă cau bơtờp mờ virus Sars CoV-2 tơnguh khà cau F0 bơh càr dê gơguh 6 nă cau.

Sền gròi cau rê bơh ală càr geh kòp tiah đah Jum dà lơgar tàm Anih Sao Mai, ƀòn dờng Kon Tum

Ndrờm bè  4 nă cau F0 lài hơ̆ sơl, 2 nă cau bơtờp mờ virus Sars CoV-2 tàm càr Kon Tum kung ndrờm geh sền gŏ mờ ai ơm yah ngài di tŭ tàm Anih gròi sền kòp, ờ hềt mut tàm ù tiah càr Kon Tum dê. Geh gĭt 2 nă cau do tàm ngai 26/7 lòt bal bơh càr Quảng Nam tus Anih gròi sền kòp sồ 2 tàm koèl kơh Lò Xo gùng Hồ Chí Minh, gơwèt ù tiah xã Đăk Man, kơnhoàl Đăk Glei, càr Kon Tum. Bơh xét nghiệm test mhar kháng nguyên dùl nă cau bơtờp mờ virus Sars CoV-2. Ngai 27/7, cồng nha xét nghiệm sền gĭt ngan jơh 2 nă cau do ndrờm bơtờp mờ virus Sars CoV-2. Tŭ do, jơh 2 nă cau do gam geh ai ơm yah ngài sơm kòp tàm Anih 2 Hìu sơnơm Y Dược cổ truyền- Lơh pràn wơl să jan càr Kon Tum dê. Tus tŭ do, càr Kon Tum neh geh 6 nă cau bơtờp kòp Covid-19, mơya ờ hềt geh cau bơtờp tàm mpồl bơtiàn.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định