Ngai lơi kung tam gơl mờ bơsir pa: 28/7/2021

VOV4.K’ho- Mpồl đơng lam rơcăng sơndră kòp Covid-19 càr Gia Lai yal, tàm ngai 27/7, Gia Lai pơn jăt tai gŏ tai 5 nă cau bơtờp mờ virus Sars CoV-2. Tàm hơ̆ geh 4 nă cau lòt bơh tiah geh kòp rê hờ càr, geh lam lòt ơm yah ngài tơrgùm bal tơn mờ geh xét nghiệm, cồng nha pà gŏ bơtờp mờ virus Sars CoV-2; geh dùl nă cau gam geh bun mờ mờr deh kòn. Cau gam wơl là kòn bơh cau kòp sồ 44302 dê kung sền gŏ bơtờp mờ virus Sars CoV-2 sơl tàm tiah ơm yah ngài tơrgùm bal.

Làng bol rê bơh tiah geh kòp mờ rơndeh par tŭ do ndrờm ờ bơtờp mờ virus Sars CoV-2

Gơrềng tus tiah gơbàn kòp tàm ƀòn dờng Pleiku, tus ngai 27/7, mpồl cau lơh sơnơm neh lơh xét nghiệm ai rlau 700 nă cau in, tàm hơ̆ geh ală cau là F1, F2 bơh cau kòp sồ 95028 dê, ală xét nghiệm bơh sơnrờp gơ ai cồng nha ờ bơtờp mờ kòp. 192 nă làng bol geh Mpồl đơng lam rơcăng sơndră kòp Covid-19 càr Gia Lai dê wă rê bơh ƀlàng rơndeh par Dunia Tân Sơn Nhất rê hờ ƀòn dờng Pleiku tàm rơndeh par ƀàng sồ QH9812 ndrờm geh cồng nha ờ bơtờp mờ kòp tơnơ̆ ngai dơ̆ 3. Bè hơ̆, kờp bơh ngai 26/4 tus ngai 27/7, càr Gia Lai gŏ 36 nă cau bơtờp mờ virus Sars CoV-2, tàm hơ̆ neh rê bơh hìu sơnơm 5 nă, tŭ do 31 nă cau gam geh sơm kòp tàm Hìu sơnơm dờng càr Gia Lai dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định