Ngai lơi kung tam gơl mờ bơsir pa: 15/6/2021

VOV4.K’ho- Ngai 14/6, Mpồl đơng lam rcang sơndră kòp tàm kòn bơnus tàm Dak Nông geh jơnau đơs, jơnau dan mờ Tỉnh ủy, UBND càr Dak Nông sền sơwì lơh thoàr bàr pe broă lơh rcang sơndră kòp Covid-19 nàng kờñ lơh jat jơnau kờñ dơ̆ lĕ bal ai pờ wơl ală broă lơh pơn diang năc mpồl bơtiàn lòt tàm ală càr bè ờs wơl gơ wèt mờ ală càr ờ geh cau bơtờp kòp halà tiah geh kòp mơya neh jơh rlau 14 ngai ờ geh cau bơtờp kòp pa. Ală anih lơh sa kă bro, drơng broă nô sa... geh lơh broă wơl mơya pal lơh jat ală broă lơh gàr niam bơta ờdo ờdă rcang sơndră kòp, broă ñô bau, lơh chờ geh bơyai lơh mờ ya ờ tơrgùm uă ir 30 nă cau.

 Mpồl lơh broă geh gơnoar càr Dak Nông lòt sền đo, was să jan tàm anih rcang sơndră kòp Covid-19 tàm gùng dờng 14

Mơya, càr Dak Nông sồr ală tiah pal jat sền bơta gơlik geh bơh kòp tàm ù tiah càr dê, rcang lài tơl làm ală bơta, rơndeh rơndồ măy mok nàng sơndră mờ ală bơta digơlan gơlik geh bơh kòp dê, mơkung sồr làng bol pơn jat tai lơh jat niam jơnau sồr 5 K bơh Bộ Y tế dê.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định