Ngai lơi kung tam gơl mờ bơsir pa: 17/6/2021

VOV4.K’ho - Ngai òr (16/06), gah lơh sơnơm càr Dak Lak sơn đờm lơh jăt broă cĭt sơnơm vaccine sơndră mờ kòp Covid-19 dơ̆ 2 ai mờr 30 rơbô nă cau là ală cau geh ai lài tàm càr in.

                     Càr Dak Lak bơyai lơh cĭt sơnơm vaccine sơndră mờ kòp Covid-19 dơ̆ 2

Dơ̆ do, càr Dak Lak dờp geh 27 rơbô 210 ding sơnơm vaccine AstraZeneca dê. Kờp jơh cau geh cĭt tàm dơ̆ 2 là 29 rơbô 900 nă. Tàm hơ̆, cau geh cĭt ding sơnrờp là 21 rơbô 787 nă, tàm hơ̆ geh mpồl cau lam lài tàm tiah sơnrờp tam dră mờ kòp ờ hềt geh cĭt dơ̆ 1 bè cau lơh sơnơm, cau tus bal tam dră mờ kòp, cau ling, kuang àng tus bal tàm broă sơndră mờ kòp, cau ai broă lơh drơng ala geh kuơ gùng rơndeh par, pơn diang phan, nhơl chờ; cau ai broă lơh drơng ala ồs đèng, dà, cau pơgru (mẫu giáo, mầm non, cấp 1); cau lơh broă tàm ală hìu bơsram, hìu bơto; cau lơh broă tàm ală anih lơh broă, mpồl lơh broă sră nggal sùm tìp mờ uă cau (ală Sở, gah lơh broă tàm ƀòn dờng Buôn Ma Thuột). Cau cĭt ding dơ̆ bàr geh 8 rơbô 113 nă cau lơh sơnơm neh cĭt dơ̆ sơnrờp. Tàm dơ̆ 2 geh cĭt sơnơm vaccine sơndră mờ kòp Covid-19, ờ cĭt ală cau neh geh kòp lài mờ cau rơlao 65 sơnam.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định