Ngai lơi kung tam gơl mờ bơsir pa: 6/1/2022

VOV4.K’ho- Tềng đăp bơta gơbàn kal ke bơh kòp Kovid-19 dê, càr Dăk Lăk jơh nùs lơh ngan lơh mhar broă lơh mờ lơh ngan cĭt ding vaccine dơ̆ pe lơh sir jơh tàm qúy dùl nam do. Jăt ồng Trịnh Quang Trí, Kwang ătbồ Anih tờm gròi sền kòp tê jê să càr Dăk Lăk dê yal, tŭ do càr pa geh Ƀộ Y tế tam pà 300 rbô ding vaccine kòp Kovid-19.

Nàng gàr niam ai jơh ală cau bơh 18 sơnam rlau hơđang in tàm càr geh cĭt vaccine ding dơ̆ pe, càr Dăk Lăk kờñ rlau 1 tơlak 200 rbô ding vaccine. Jăt tàm khà vaccine geh tam pà, càr geh lam cĭt jăt bơta ai lài bơh ală cau lơh kơnòl broă tam dră mờ kòp, cau rlau 50 sơnam, ală cau geh kòp lài tàm sră tơnơ̆ hơ̆ sồng tus ală cau ndai. Vaccine ding bơtơl tai gàr niam broă jàu ding cĭt bơtơl tai geh cit dùl bơta vaccine mờ 2 ding vaccine neh cit lài hơ̆.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định