Ngai lơi kung tam gơl mờ bơsir pa: 17/5/2022

VOV4.K’ho- Di tơngkah kir sơnrai 81 nam ngai crơng gơs Đội Thiếu niên Tiền Phong Hồ Chí Minh (15/5), Tỉñ đoàn Dăk Lăk bơyai lơh Broă lơh jờng rơ kơnòm dềt lơh jat niam 5 jơnau Bác Hồ bơto sồr.

Tàm broă lơh, ală cau tus bal neh kah wơl bơhiàn 81 nam bơh Đội Thiếu niên Tiền Phong Hồ Chí Minh dê, gơl gùng neh lòt gan mờ ală broă lơh, srơh bơh kơnòm dềt Dăk Lăk dê tă pơgồp tàm suơn bơkàu rbô broă niam nàng bal mờ gơp bơt bơtàu ƀòn tờm pas sơm, niam bơnĕ. Pơn rơ ngan là broă lơh, srơh tàm pơrlòng lơh jat niam 5 jơnau Bác Hồ bơto sồr; tam klac bal dong bơyô tus hìu bơsram wèt tus tơngai tơnơ̆ do, ală srơh Trần Quốc Toản, guàng tê bơyô... mờ ală broă lơh kis git jơnau git adat, hùc dà kah tô dà. Bơh ală srơh neh geh ală krơh kơnòm dềt pơn rơ jak. Di tŭ do, geh 40 nă kơnòm dềt geh pơn rơ jak tàm srơh tàm pơrlòng lơh jat niam 5 jơnau Bác Hồ bơto sồr geh Tỉñ đoàn mờ Hội đồng Đội càr Dăk Lăk jờng rơ.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định