Ngai lơi kung tam gơl mờ bơsir pa: 17/6/2021

VOV4.K’ho- Mho ngai 16/6, tàm ƀòn dờng Buôn Ma Thuột, Ủy ban Mặt trận dà lơgar Việt Nam càr Dak Lak pơn jat tai bơyai lơh dơ̆ dờp tai 1 tơmàn đong bơh ală mpồl cau, cau dùl nă să is tàm ù tiah càr Dak Lak tă pơgồp dong kờl tàm Kes priă vaccine mờ phan bơna lơh sơnơm rcang sơndră kòp Covid-19. Jat hơ̆, ala mat UBND ƀòn dờng Buôn Ma Thuột neh jàu khà priă 500 tơlak đong, Công ty Ồs đèng Dak Lak jàu rlau 355 tơlak đong, bàr pe mpồl lơh sa kă bro tàm ƀòn dờng Buôn Ma Thuột kung jàu khà priă 200 tơlak đong... Kờp jơh khà priă mờ Ủy ban Mặt trận dà lơgar Việt Nam càr Dak Lak dờp mho òr ngai 16/6 là 1 tơmàn đong. Tơnơ̆ tŭ dờp, Ủy ban Mặt trận dà lơgar Việt Nam càr Dak Lak neh jun jơh ală khà priă do tus tàm Kes priă vaccine dà lơgar nàng drơng broă tă tơm blơi sơnơm vaccine mờ phan bơna lơh sơnơm rcang sơndră kòp Covid-19.

Ala mat Công ty Ồs đèng Dak Lak jàu 355 tơlak đong ai kuang bàng ala mat Ủy ban Mặt trận dà lơgar Việt Nam càr Dak Lak in

Bè hơ̆, kờp tus tŭ do, tơnơ̆ rlau 1 poh lơh jat jơnau hòi jà bơh Ủy ban Mặt trận dà lơgar Việt Nam dê bè broă tă pơgồp bal priă jền blơi sơnơm vaccine mờ phan bơna lơh sơnơm rcang sơndră kòp Covid-19, neh geh gĭt nđờ jơ̆t mpồl cau, cau dùl nă să is tàm Dak Lak tă pơgồp bal dong kờl gơguh tus mờr 7 tơmàn đong.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định