Ngai lơi kung tam gơl mờ bơsir pa: 15/5/2021

VOV4.K’ho- Mho ngai 14/5, mò H’Yim Kdoh, Phó chủ tịch Ủy ban nhân dân càr Dak Lak pa pà gĭt, tàm ù tiah càr dê pa geh tai dùl nă cau bơtờp mờ virus Sars CoV-2. Cau do geh gơrềng tus cau kòp sồ 3052 tàm Bắc Ninh, hơ̆ là bi V.Đ.D, deh nam 1971, ơm tàm sơnah ƀòn Đạt Hiếu, thị xã Buôn Hồ, càr Dak Lak.

                                            Tiah sơm kòp cau kòp Covid-19 tàm Dak Lak

Tus ngai 14/5, bi D geh ală bơta tơngŏ kòp den tàng ai mẫu xét nghiệm dơ̆ 2 mờ ai cồng nha bơtờp mờ virus Sars Cov-2. Gah lơh sơnơm càr Dak Lak gam mhar ngan jòi gĭt tiah lòt rê ală cau geh gơrềng nàng bơyai lơh ală broă lơh rcang sơndră kòp Covid-19. Bè hơ̆, tŭ do tàm Dak Lak neh geh 3 nă cau bơtờp kòp Covid-19. Gah lơh sơnơm gam bơyai lơh ai ơm yah ngài tàm Hìu sơnơm mờ ai ơm yah ngài tơrgùm bal pơgap 70 nă, ai ơm yah ngài is tàm hìu mờ tiah ơm kis rlau 1 rơbô 500 nă cau.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định