Ngai lơi kung tam gơl mờ bơsir pa: 17/9/2021

VOV4.k’ho- Jat jơnau yal bơh Anih tờm gròi sền kòp tê jê să càr Dăk Lăk dê, tàm thị xã Buôn Hồ pa geh 8 nă cau bơtờp mờ virus Sars CoV-2, tàm hơ̆ geh mpồl cau kòp geh 7 nă cau bơtờp kòp.

Dùl anih wàng se geh gơ rềng tus mpồl cau bơtờp kòp Covid-19

Tàm khà 8 nă cau pa git gŏ geh 6 nă cau ndrờm ơm kis tàm sồ hìu 15 gùng Âu Cơ, sơnah ƀòn Đoàn Kết mờ 1 nă cau ơm kis tàm hìu sồ 110 gùng Nguyễn Tất Thành, sơnah ƀòn An Bình. Ală cau do ndrờm geh bơta bơtờp kòp gơ rềng tus 1 nă cau kòp ơm tàm sơnah ƀòn An Bình. Cau kòp gam wơl là cau măi rơndeh kong goa, ơm kis tàm sơnah ƀòn Thiện An, ờ hềt git loh bơh lơi bơtờp kòp. Jat lùp sền bơta gơ rềng bơtờp kòp, tàm 8 nă cau kòp, geh 2, 3 nă cau kòp geh broă lòt rê tus ală anih geh gal cau bè drà thị xã Buôn Hồ, ngân hàng. Mìng is cau kòp là cau măi rơndeh kong goa lòt jàu phan tàm uă tiah tàm thih xã Buôn Hồ, lòt gan uă càr, ƀòn dờng bè Khánh Hòa, Bình Phước, Gia Lai.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định