Ngai lơi kung tam gơl mờ bơsir pa: 12/6/2021

VOV4.K’ho- Drim ngai 11/6, tàm xã Ea Uy, kơnhoàl Krông Pach, Tỉnh đoàn Dăk Lăk bơyai lơh Dơ̆ ai cau lòt lơh broă ơruh pơnu lơh broă dong kờl is kàl rlô bơkang nam 2021 bal mờ uă broă lơh geh kuơ tài mpồl bơtiàn.

Lơh hìu kờñ gơboh kòn bơnus pà hìu bơnhă geh rài kis kal ke in

Dơ̆ ai cau lòt lơh broă ơruh pơnu lơh broă dong kờl is kàl rlô bơkang càr Dăk Lăk nam 2021 geh bơyai lơh bal mờ ală broă lơh, bè: sơnđờm lơh dùl nơm hìu kờñ gơboh kòn bơnus mờ 1 ƀlàng nhơl bơlai, lơh 1 kơi sồ gùng ồs đèng sòl àng gùng ƀòn; pà 30 bơnah phan ai ală hìu bơnhă chính sách geh rài kis kal ke in; mblàng yal rơcăng sơndră kòp Covid-19. Bi Y Lê Pas Tơr- Phó Bí thư Thường trực Tỉnh đoàn Dăk Lăk pà gĭt, bal mờ ală broă lơh tus bal bơtàu tơnguh lơh sa- mpồl bơtiàn; bơ̆t bơtàu ƀòn lơgar pa, tiah drà jak chài; ală broă lơh bơh rơnàng kơnòm să càr Dăk Lăk dê tàm broă lơh kàl rlô bơkang nam do geh tơrgùm dong kờl ai đoàn viên ơruh pơnu in sơrlèt gan kal ke tài gơrềng bơh kòp bơtờp dê, pơn jăt tai bơtàu tơnguh srơh sơnđờm mŭt lơh broă tàm tàm tiah he dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định