Ngai lơi kung tam gơl mờ bơsir pa: 12/5/2021

VOV4.K’ho- Tơnơ̆ tŭ tơn jơh lă dơ̆ tìp mat mờ cau tĕ khà tơn, mho ngai 11/5, ồng Vương Đình huệ Chủ tịch Quốc hội neh geh dơ̆ lơh broă mờ Ban Thường vụ Thành ủy Hải Phòng bè broă lơh rcang tĕ khà mờ cồng nha lơh jat kơnòl broă 4 nhai bồ nam.

Ồng Vương Đình Huệ, Chủ tịch Quốc hội lơh broă mờ Ban Thường vụ Thành ủy Hải Phòng

Đơs tàm dơ̆ lơh broă, ồng Vương Đình Huệ, Chủ tịch Quốc hội đơs là, ƀòn dờng Hải Phòng neh rcang lài niam ngan dơ̆ tĕ khà Kuang bàng Quốc hội khóa 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026. Hải Phòng tơn jơh broă bơyai lơh ai 15 nă cau tơlik mat tĕ khà in tìp mat mờ cau tĕ khà tàm 3 mpồl tĕ khà nàng hòi jà tĕ khà, broă lơh  niam ngan, nền cê, làng bol lơh tờm, bơceh pa, pơgồp bal mờ broă tìp mat tơn mờ tìp mat pờ tơlik tơn tàm internet tus mờ jơh ală xã, sơnah ƀòn, thị trấn; pờ tơlik jơnau đơs tơn bơh tàm internet. Broă lơh do geh cồng nha ngan, glòm jơh tus ală tiah ƀòn lơgar tàm ù tiah do dê. Să tờm ală cau tơlik mat tĕ khà kung gơlơh iang nùs sơl tŭ ală broă lơh hòi jà, jơnau đơs bơh he dê geh yal tơngĭt tus mờ cau tĕ khà mờ ală rơnàng làng bol in. Kuơ màng, ƀòn dờng Hải Phòng lơh niam broă lơh rcang sơndră kòp Covid-19, tŭ do sền gròi niam bơta kòp, ờ lời kòp bơtờp tàm uă tiah. 

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định