Ngai lơi kung tam gơl mờ bơsir pa: 15/6/2021

VOV4.K’ho- Hội Chữ thập đỏ càr Lâm Đồng bơyai lơh pơrjum lam lơh broă lơh Gùng lòt pơrhê mờ Ngai chờ ai is mhàm “Ntờc mhàm pơrhê ƀòn dờng bơkàu” dơ̆ 9 nam 2021. Jat broă rơndap lơh, Broă lơh gùng lòt pơrhê geh lơh tàm 2 ngai, ngai 19 mờ ngai 20/6 nam 2021. Broă lơh geh hòi jà 2 rbô nă cau tus bal ai is mhàm mờ kờp dŭ ai geh 1 rbô kơldung mhàm nàng pơyua rê hờ Viện huyết học- truyền máu dà lơgar.

Tài kòp Covid-19 gơlik geh kal ke den tàng broă lơh gùng lòt pơrhê nam do kung bơyai lơh lơyah rlau mờ ală broă lơh tờm mờ tơl mpồl geh jơng tàm mpồl đơng lam kung lam lơh ring bal broă rơcang sơndră kòp Covid-19, bè: tam pà tŭ tơngai dipal ai ală mpồl jà cau tus bal ai is mhàm, gàr niam broă lơh mblàng yal tàm broă rơcang sơndră kòp Covid-19, lơh kloh khuẩn lài mờ tŭ mờ tơnơ̆ tŭ ai is mhàm, pơlam was khà duh să jan, pơn chèu glòm muh mat, ràu tê lơh kloh khuẩn mờ ơm yah ngài, pơlam mờ lơh jat nền nòn jơnau sồ 5K.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định