Ngai lơi kung tam gơl mờ bơsir pa: 23/6/2021

VOV4.K’ho- Công ty lơh sơnơm AstraZeneca ngai òr (22/06) yal, sơnơm vaccine sơndră mờ kòp Covid-19 geh gah lơh sơnơm lơgar Anh mờ Thụy Điển do lơh geh cồng nha bal tơn gơwèt mờ jơi tam gơl să Delta mờ Kappa. Do ndrờm là ală jơi tam gơl să geh tơl pràn lơh gơtờp uă mờ geh gŏ dơ̆ sơnrờp tàm lơgar Ấn Độ.

Tàm jơnau yal bơh he dê, Công ty AstraZeneca pà gĭt, ală cồng nha kơlôi sơnơng geh Đại học Oxford bơyai lơh ai bơh jơnau mblàng pa ngan bơh anih lơh broă gah lơh sơnơm lơgar Anh neh ai gŏ cồng nha bơh sơnơm vaccine dê. Anih lơh broă gah lơh sơnơm lơgar Anh lài mờ hơ̆ neh yal, dùl jơnau kơlôi sơnơng neh pà gŏ, ală bơta sơnơm vaccine sơndră mờ kòp Covid-19 geh AstraZeneca mờ Pfizer dê lơh gơs geh ai tơrmù tus 90% khà cau pal mŭt piam kòp tàm hìu sơnơm tài bơh jơi tam gơl să Delta.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định