Ngai lơi kung tam gơl mờ bơsir pa: 29/7/2021

 VOV4.K’ho- Liên hợp quốc pà gĭt, ală Kuang đơng lam bồ dunia digơlan tus bal tơn Khoá pơrjum Đại hội đồng Liên hợp quốc halà pơyoa băng jơnau đơs lài dilah kòp Covid-19 lơh ală broă lơh lòt rê gơtìp kơryan. Chủ tịch Đại hội đồng Liên hợp quốc ồng Volkan Bozkir pà gĭt, jơnau yal neh geh pơyoa tus 193 lơgar tàm mpồl. Do là ală broă lơh ngan bơh Liên hợp quốc dê dong dơ̆ pơrjum gơtùi geh bơyai lơh tơn, bơh ngai 21 tus ngai 30 nhai 9 tus.

Nam lài, kòp dờng Covid-19 neh lơh ală Kuang đơng lam bồ dunia ờ gơtùi tus New York tus bal dơ̆ pơrjum pah nam, dơ̆ sơnrờp tàm rài kah yau 75 nam bơh Liên hợp quốc dê. Nam do kờp dŭ dơ̆ pơrjum digơlan geh bơyai lơh jat broă lơh tàm pơgồp bal tìp mat tơn mờ pờ tơlik tơn tàm internet.

Cau mblàng K’Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định