Ngai lơi kung tam gơl mờ bơsir pa: 27/5/2022

VOV4.K’ho- Mho ngai 26/05, tàm Hìu duh broă Cíñ phủ, Thủ tướng Cíñ phủ ồng Phạm Minh Chính neh wă rò Cau pơgru dờng ồng Stewart Cole, Củ tịc Viện Pasteur Paris gam geh dơ̆ lòt còp mờ lơh broă tàm Việt Nam. Tàm dơ̆ wă rò, Thủ tướng đơs nền lơh sơnơm là gah broă lơh lơh broă bal ờs mờng niam bơnĕ, dùl tàm ală bơta àng pơgồp bơnah dong lơh tơnguh rlau tai bơta gĭt gơ̆p Tam klăc lơh broă bal jŏ jòng Việt Nam mờ Tây ngai sơlơ bơtàu tơnguh.


Thủ tướng đơs sùm, bơta gĭt gơ̆p lơh broă bal kah yau đah Viện Pasteur Paris, lơgar Tây dê mờ ală Viện Pasteur tàm Việt Nam geh sền là jơnau pơrya mơkung là broă tờm tàm lơh broă bal lơh sơnơm đah 2 lơgar. Thủ tướng ưn ngài Viện Pasteur neh lời ală bơta dong kờl kwơmàng ngan ai ală Viện Pasteur bơh lơgar Việt Nam dê in tàm jơh gùt tŭ tơngai pa do, ngan là bơnah priă dong kờl nàng kờñ tơnguh uă pràn jak kơlôi sơnơng, jăt sền mờ xét nghiệm virus Sars KoV-2 mờ kờp jơh priă bơcri rlau 10 tơmàn đong.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định