Ngai lơi kung tam gơl mờ bơsir pa: 30/11/2021

VOV4.K’ho- Dờp jơnau jà bơh Thủ tướng Campuchia ồng Samdech Techo Hun Sen dê, Thủ tướng Lào ồng Phankham Viphavanh còp ngan ngồn lơgar Campuchia tàm 2 ngai bơh ngai 29- 30/11/2021. Đơs tàm dơ̆ cribơyai broă mờ Thủ tướng Campuchia ồng Samdech Techo Hun Sen, Thủ tướng Lào ồng Phankham Viphavanh đơs sùm, Lào mờ Campuchia geh rài niam chài, adat bơhiàn mờr ndờm gơ̆p bal, bơta gĭt gơ̆p lơh bơyô bal oh mi niam bơnĕ mờ sồr 2 gah sơlơ tơnguh lơh broă bal uă rlau tai.

Bal mờ hơ̆, Thủ tướng Lào kung sồr bàr gah pal pơn jăt tai cribơyai nàng kĭ jơnau hơ pơrgon bal tam klăc lơh broă bal jŏ jòng tơl ală bơta, sồr ngan Ủy ƀan tiah nhàr lơgar lơh sir jơh ală broă neh geh kuang đơng lam bồ kấp dờng màng 2 lơgar dê sồr mờ sơlơ lơh broă bal tàm ală gah broă: lơh sa, niam chài mờ bơto bơtê. Thủ tướng Campuchia ồng Samdech Techo Hun Sen kờñ jơh lơm ală jơnau sồr nàng kờñ tơnguh bơta gĭt gơ̆p đah 2 lơgar bơh Thủ tướng Lào dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định