Ngai lơi kung tam gơl mờ bơsir pa: 25/1/2022

VOV4.K’ho- Mho ngai 24/01, Thủ tướng Cíñ phủ ồng Phạm Minh Chính mờ Mpồl kwang bàng neh chu ñàng, ơn bơkàu tàm hìu kah kơlôi Củ tịc Hồ Chí Minh, chu ñàng, ơn bơkàu tàm rùp mòn cau ling khin cha jak chài jơi bơtiàn Lê Lợi tàm ƀòn dờng Thanh Hóa; tus còp, lơh broă, nting bơr sa tềp kwang bàng, cau ling kwang àng càr Thanh Hóa. Còp, nting bơr sa tềp kwang bàng, cau ling kwang àng càr Thanh Hóa, Thủ tướng mblàng lơh loh: Broă gơlik geh tàm nam 2022 gam uă kal ke, den tàng bol he ờ gŏ di sền ờ sơp, roh bơta rơcang ngac, rơcang lài nùs nhơm, bơta pràn, đơng lam, pơlam, lam lơh niam rlau tai mờ nam lài.

Thủ tướng đơs loh, kơnòl lài ngan là jơh nùs tus bal tàm broă lơh rơcang sơndră kòp, tàm hơ̆, pal tơrgùm ai kơnòl broă cit sơnơm vaccine, mpồl kwang àng bal mờ ală mpồl ndai pal lòt tơl gơl gùng, teh tơl mpồng hìu, kờp sền tơl nă cau nàng cit sơnơm vaccine ai làng bol in. Thủ tướng sồr kwang àng Thanh Hóa pơn jat tai git loh broă gơlik geh, pơn jat tai cribơyai mờ kấp ủy, gơnoar atbồ ƀòn dờng đơng lam, pơlam; lơh niam broă lơh atbồ dà lơgar bè sền gàr lơngap lơngai ờdo ờdă, mblàng yal, bơto bơtê, lam lơh jat mờ tơnguh gơnoar broă lơh tờm, lơh broă tơn, sền gàr lơngap lơngai ờdo ờdă, sền gàr rài kis ring lơngai bơh làng bol dê.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định