Ngai lơi kung tam gơl mờ bơsir pa: 13/5/2021

VOV4.K’ho- Drim ngai (12/5), ồng Vũ Đức Đam Phó Thủ tướng Chính phủ, Kuang đơng lam dà lơgar rcang sơndră kòp Covid-19 neh đơng lam pơrjum mhar pờ tơlik tơn tàm internet đah Thường trực Mpồl đơng lam dà lơgar mờ 3 tiah là: Đà Nẵng, Bắc Ninh, Bắc Giang tơnơ̆ tŭ geh rlau 100 nă cau bơtờp kòp Covid-19 là công nhân lơh broă tàm tiah lơh sa mờ măy mok. Phó Thủ tướng tơngkah 3 tiah là: Đà Nẵng, Bắc Ninh, Bắc Giang gàr niam broă lơh sa mơkung rcang sơndră kòp geh cồng nha; kòp bơtờp tus tiah lơi căng tiah tus tiah hơ̆ mờ lơh jat broă ai ơm yah ngài kràn cê, sền gàr niam bañ lời tàm bơtờp kòp tàm tiah ai ơm yah ngài tơrgùm bal.

Tiah lơh broă tàm ală hìu măy, xí nghiệp là tiah ndơ̆p, uă cau den bơta bơtờp kòp uă ngan dilah geh cau bơtờp kòp. Phó Thủ tướng kung tơngkah ală càr, ƀòn dờng bañ sền ờ sơ̆p mờ ờ rcang sền ngăc, pal hòi jà jơh ală anih lơh broă chính trị mut lơh broă bal, bañ lời is broă rcang sơndră kòp ai gah lơh sơnơm in lơm.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định