Ngai lơi kung tam gơl mờ bơsir pa: 13/4/2021

VOV4.K’ho - Mho mờ mang òr (12/04), ồng Chử Xuân Dũng, Phó Chủ tịch UBND ƀòn dờng Hà Nội đơng lam dơ̆ pơrjum pờ tơlĭk tàm internet mờ ală quận, kơnhoàl, sơnah ƀòn, xã nàng pơn jăt tai lơh jăt ală broă rơcang sơndră mờ kòp Covid-19 kung bè kòp jơng tê bơr...

Jăt jơnau yal bơh Sở Y tế Hà Nội dê, tus tŭ do, neh rơlao 56 ngai ƀòn dờng ờ dờp geh cau gơtìp kòp pa tàm mpồl bơtiàn. Ƀòn dờng kung neh bơyai lơh cĭt sơnơm vaccine sơndră mờ kòp Covid-19 ai 8 rơbô 47 nă cau in, sơrlèt mờ khà neh geh ai. Broă cĭt sơnơm vaccine rơcang sơndră mờ kòp Covid-19 tàm dơ̆ 2 (rơlao 50 rơbô ding) geh ai lài rơlao 26 rơbô nă cau lơh sơnơm mờ rơlao 70 rơbô nă cau tàm mpồl sền gròi kòp Covid-19 tàm mpồl bơtiàn mờ kờp dŭ tàm nam do, Hà Nội geh cĭt sơnơm vaccine sơndră mờ kòp Covid-19 ai 350 rơbô nă cau in.

Gơrềng tus mờ kòp jơng tê bơr, ồng Chử Xuân Dũng sồr ală tiah, pal sền kuơ broă rơcang sơndră mờ kòp jơng tê bơr; sồr ală quận, kơnhoàl pơn jăt tai lam sồr nàng làng bol in gĭt, gĭt loh ală broă rơcang sơndră mờ kòp gơtờp.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định