Ngai lơi kung tam gơl mờ bơsir pa: 21/4/2021

VOV4.K’ho - Ngai do (10/03) jăt tơngai àng kơnhai, là ngai duh kah bơtau Hùng. Jăt Mpồl bơyai lơh duh kah bơtau Hùng, lơh chờ Đền Hùng nam 2021 là nam ờ tơrgùm bal den tàng càr Phú Thọ đơng lam bơyai lơh.

                                                                Lơh chờ Đền Hùng

Bơdìh mờ ală broă lơh ờs mờng, nàng lơh jăt ală kơrnoăt tàm broă rơcang sơndră mờ kòp Covid-19, bơnah broă lơh chờ geh mìng geh ờ uă broă lơh chài rơgơi ờs mờng bơh yau. Ală tơngu me bơnah broă pơrjum, tàm hơ̆ geh: Lơh yàng duh kah Lạc Long Quân mờ chu ñàng duh kah mè Âu Cơ tàm ngai 17 nhai 4 (hơ̆ là ngai 06 nhai 3 jăt tơngai àng kơnhai dê); Lơh yàng duh kah bơtau Hùng mờ pơdơng bơkào tềng rùp Bác Hồ boh bơr mờ kuang bàng, cau ling Đại đoàn quân Tiên Phong ngai 21 nhai 4 (hơ̆ là ngai 10 nhai 3 jăt tơngai àng kơnhai dê); Lơh yàng chu ñàng kah kơlôi ală bơtau Hùng bơh ală tiah tàm càr (bơh ngai 01 tus ngai 07 nhai 3 jăt tơngai àng kơnhai).

Bè bơnah lơh chờ, tàm dơ̆ do, tàm tiah lơh chờ, mìng bơyai lơh ală broă lơh chài rơgơi ờs mờng bè: jan sơngơr lơngô, tam truh bòng, pơrjum klơm, trŭ ƀañ chưng mờ bŏ piang lă.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định