Ngai lơi kung tam gơl mờ bơsir pa: 24/7/2021

VOV4.K’ho- Mỹ neh lơh dùl ròt ală dơ̆ đùh ƀồm mờ rơndeh par tàm ală tiah bơh mpồl Taliban dê tàm bàr pe ngai do nàng dong kờl ală mpồl ling lơgar Afghanistan.

Rlau 4 dơ̆ cuh mờ phàu ồs neh geh Mỹ dê lơh tàm 2 ngai, là ngai 21 mờ 22/7 pa do tàm bàr pe anih, tàm hơ̆ geh: Kandahar là tiah gam kong bơta rồn bơklơn ngai sơlơ gơguh uă bơh Taliban dê. Ală dơ̆ tam lơh do geh lơh jăt jơnau sồr bơh mpồl ling lơgar Afghanistan dê gơtìp mpồl Taliban sò tơm halà lơh tơrlah tơrling ală măy mok phan ngui gah ling klàng neh gơtìp Taliban tung kơñau. Taliban tàm tơngai do neh sơgràm geh uă ù tiah tàm lơgar Afghanistan, tàm hơ̆ geh bal ală mpồng nhàr lơgar kuơmàng gơwèt mờ ală broă lơh kă bro tàm tŭ mpồl ling Mỹ ndrờm Mỹ neh lơh sir jơh ală broă lơh tơn rê ling lik bơh lơgar do.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định