Ngai lơi kung tam gơl mờ bơsir pa: 22/1/2022

VOV4.K’ho- Ngoại trưởng Mỹ ồng Antony Blinken ngai 21/01 neh tìp mờ Ngoại trưởng Nga ồng Sergei Lavrov tàm Geneva, lơgar Thụy Sĩ nàng cribơyai bè ală broă lơngăp lơngai, tàm hơ̆ geh broă Ukraine.

Ngoại trưởng Mỹ mờ Nga ring bal geh pơn jăt tai cribơyai bè broă do. Đơs tàm dơ̆ pơrjum ƀăo tơnơ̆ dơ̆ tìp măt, Ngoại trưởng Mỹ ồng Antony Blinken pà gĭt, ồng tus Geneva tơnơ̆ uă dơ̆ cribơyai đah ală kwang bàng lơh broă mờ lơgar ndai kâp dờng đah Mỹ mờ Nga dê tàm poh lài tàm dơ̆ bơyai lơh Tìp măt cribơyai kơ̆ kơl jăp jŏ jòng, dơ̆ pơrjum Mpồl duh broă NATO mờ Nga dê mờ dơ̆ pơrjum Mpồl broă sùm Mpồl lơngăp lơngai mờ lơh broă bal câu Âu bè tung lơtăng Ukraine mờ ală broă lơngăp lơngai pờ ơnàng rlau bơh câu Âu dê. Jăt ồng Blinken đơs, đah Mỹ neh geh bàr pe jơnau sồr tơnguh tai bơta lơngăp lơngai mờ ală broă mờ 2 gah gơtùi jòi gŏ bơta ndrờm bal.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định