Ngai lơi kung tam gơl mờ bơsir pa: 30/11/2021

VOV4.K’ho- Chủ tịch lơgar Lo ồng Tập Cận Ƀình ngai 29/11 pà gĭt, Lo geh ai tai 1 tơmàn ding vaccine kòp Covid-19 ai ală lơgar châu Phi in nàng lơh geh jơnau kờñ cĭt vaccine ai 60% khà kờp làng bol châu Phi in tàm nam 2022.

Hơ bè ding vaccine bơtơl geh ai tàm tŭ tơngai dunia ngai sơlơ kơlôi rơcăng ngan bè bơta lơh bơtờp bơh jơi tam gơl să pă bơh virus Sars CoV-2 dê, geh hòi là Omicron, dơ̆ sơnrờp geh gŏ tàm tiah đah jum châu Phi. Tàm jơnau cih đơs bơh tàm internet tus Cribơyai bè Lơh broă bal Lo mờ châu Phi, Chủ tịch lơgar Lo ồng Tập Cận Ƀình pà gĭt, dùl anih tờm priă jền gan tiah nhàr lơgar đah Lo mờ châu Phi geh lơh gơs nàng ai pà ală mpồl lơh broă priă jền châu Phi in khà ai càn 10 tơmàn dolar Mỹ.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định