Ngai lơi kung tam gơl mờ bơsir pa: 14/5/2021

VOV4.K’ho- Tàm dơ̆ tìp mat pờ tơlik tơn tàm internet ngai 13/5, Tổng Thư ký Liên hợp quốc ồng Antonio Guterres mờ Kuang atbồ lơgar Nga ồng Vladimir Putin neh cribơyai uă broă kuơmàng nàng kờñ tơnguh bơta lơh broă bal bơh lơgar Nga dê mờ ală mpồl lơh broă dunia mờ tam dră mờ ală bơta lòng gùt plai ù.

Bàr gah neh cribơyai bè bơta kuơmàng bơh broă lơh pa, jơnau hơ pơrgon pa bè rài lơh broă uă lơgar, tam klac mờ lơh broă bal nàng mpồl bơtiàn dunia in gơtùi bơsong ală bơta lòng gùt plai ù bè kòp dờng Covid-19 halà tam gơl trồ tiah. Bàr gah kung neh cribơyai bè uă broă ndai bè bơta kuơ bơh sơnơm vaccine Sputnik V dê, broă lơh ai tam lơh đah lơgar Israel mờ cau Palestine mờ ală broă geh sền gròi ndai. Lài hơ̆, tàm dơ̆ tìp mat mờ Ngoại trưởng Nga ồng Sergei Lavrov, ồng Antonio Guterres neh hòi jà Mpồl lơh sơnơm dunia dờp sơnơm vaccine Sputnik V bơh lơgar Nga dê ờdo ờdă mờ geh cồng nha tàm broă rơcang sơndră kòp Covid-19.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định